ТОШКЕНТ, 2 фев - Sputnik. Қозоғистоннинг Қарағанда вилоятида юк поездининг 12та вагони йўлдан чиқиб кетди деб хабар қилмоқда "НК "Қазақстан темір жолы" АЖ.
Авария 1 феврал куни соат 13:55да содир бўлган. Поезд буғдой олиб кетаётган бўлган. Унинг йўлдан чиқиб кетиши сабаби - вагоннинг ён рамаси синиб кетиши, - дейилган расмий хабарда.
Бахтсиз ҳодиса оқибатида 12та вагон йўлдан чиқиб кетган. Айни дамда Сары-Шаган, Шу ва Балхаш бекатларининг қурилиш поездлари авария оқибатларини бартараф қилишмоқда.
Шунингдек, Олма-Ота, Чимкент, Павлодар, Нур-Султон ва Уральск йўналишларида ҳаракатланувчи поездлар ушбу авария туфайли жадвалдан кечикиб ҳаракатланаётгани маълум қилинган.