ТОШКЕНТ, 1 фев — Sputnik. Қозоғистон ҳукумати Москвада мамлакатнинг Коллектив хавфсизлик шартомаси ташкилоти (КХШТ) ҳузуридаги доимий ваколатхонасини очишни режалаштирмоқда. Бу ҳақда республика президенти Қасим-Жомарт Тоқаевнинг фармони лойиҳасида айтилган. Ҳужжат норматив-ҳуқуқий ҳужжатлар базасига жойлаштирилган.
“Москва шаҳрида (Россия Федерацияси) Қозоғистон Республикасининг КХШТ ҳузуридаги доимий ваколатхонасини очишга қарор қиламан”, - дейилган ҳужжат матнида.
Таъкидланишича, ваколатхона Қозоғистоннинг КХШТдаги ваколатли вакилининг мақомини ташкилот низомига мос келтириш учун даркор. Бунинг учун Қозоғистон ТИВ штатини кенгайтириш талаб этилади.
КХШТга Россия, Беларусь, Қозоғистон, Қирғизистон ва Тожикистон аъзо.