ТОШКЕНТ, 31 янв — Sputnik. 30 январь куни " Uzbekistan Airways" томонидан “Шарқий” хаб лойиҳаси доирасида илк Наманган – Перм йўналиши бўйича парвоз амалга оширилди. Бу ҳақда авиакомпания матбуот хизмати хабар бермоқда.
Илк рейс "тўлиқ иқтисодий класс"га (Full economy) ўтказилган Airbus А320ҳаво кемасида 174 нафар йўловчини Россиянинг Перм халқаро аэропортига элтиб қўйди.
Навбатдаги рейслар Россиянинг Москва, Самара, Омск, Оренбург, Иркутск, Краснодар, Екатеринбург ва Уфа шаҳарларига режалаштирилган.
Аввалроқ “Uzbekistan Airways” Намангандан Россия шаҳарларига арзон чиптали парвозларни бошлаши хабар қилинган эди.