ТОШКЕНТ, 25 янв — Sputnik. 2021 йилда Ўзбекистонга 809 та электромобиль импорт қилинган. Бундан Давлат статистика қўмитаси маълумотлари дарак бермоқда.
Импорт қилинган бу электромобилларнинг қиймати 16,9 млн долларга тенг бўлган.
“Электромобиль импорти 2020 йилга нисбатан 679 тага ёки 6,2 бараварга ошган”, - дейилган хабарда.
Улар асосан Хитой – 724 та, Туркия – 24 та ва АҚШ – 22 та давлатларидан харид қилинган. Шунингдек, Литва – 13 та, Германия – 12 та, Жанубий Корея – 5 та, Испания – 2 та, Россия – 2 та каби мамлакатлардан олиб келинган.