ТОШКЕНТ, 18 янв — Sputnik. Бирлашган Араб Амирликлари (БАА) мамлакатга кириш ниятида бўлган Ўзбекистон ва Тожикистон фуқароларига 17 январдан янги чекловлар қўйди.
“Uzbekistan Airways” хабарига кўра, энди ушбу икки мамлакат фуқаролари БААга жўнаб кетишдан 48 соат аввал олинган ПЗР тестнинг манфий натижасини тақдим этиши керак.
Бундан ташқари, Дубай ва Шаржага етиб келгандан сўнг, аэропортда ПЗР тест топшириш керак. Йўловчи тест натижасини олмагунига қадар ўзини изоляция қилиши талаб этилади.