ТОШКЕНТ, 10 янв — Sputnik. Қозоғистон Миллий хавфсизлик қўмитаси Олмаотадаги тартибсизликларда халқаро террорчилар иштирок этганига оид далилларни эълон қилди. Sputnik Қозоғистон хабарига асосан.
Бугун кучишлатар идора ходимлари махсус операция ўтказиб, 2та радикал исломчилар гуруҳи аъзоларини қўлга олди. Бу ҳақда аксилтеррор операция тезкор штаби хабар қилди.
Уларнинг раҳбари - халқаро террорчилик ташкилотларига алоқадор хорижлик эканлиги аниқланди.
Қўлга олинганлардан ўқотар қуроллар, ёруғлик-шовқин гранаталар, ўқ-дорилар ва экстремистик адабиётлар топилди.
Жангарилар “Таблиғи Жамоат” (Россияда тақиқланган ташкилот) радикал ислом ташкилоти аъзолари бўлган, деб тахмин қилинмоқда.