ТОШКЕНТ, 2 янв — Sputnik. Кеча, 1 январь куни, Ўзбекистонда 88 кишида коронавирус қайд этилди.
Соғлиқни сақлаш вазирлиги хабарига кўра, бу 2021 йил март ойидан буён энг паст кунлик кўрсаткич.
Кеча аниқланган янги касалланиш ҳолатларининг 7 таси Андижон, 8 таси Бухоро, 3 таси Жиззах, 3 таси Наманган, 17 таси Самарқанд, 1 таси Сирдарё, 7 таси Фарғона, 9 таси Хоразм, 4 таси Тошкент вилоятларида қайд этилган. Энг кўп 29 таси Тошкент шаҳрида аниқланган.
Қорақалпоғистонда, Қашқадарё, Навоий ва Сурхондарё вилоятларида касалланиш қайд этилмаган.
Мамлакатда касалланганларнинг сони 199 118 нафарга етган. Шулардан 196 337 нафари (+119) тўлиқ соғайиб кетган.
Кетма-кет тўртинчи кун ўлим қайд этилмади. Коронавирусдан ўлим охирги марта 28 декабрь куни кузатилганди. 1 январь ҳолатига кўра, қурбонлар сони 1485 нафарлигича қолмоқда.