ТОШКЕНТ, 31 дек — Sputnik. Янги йил байрами муносабати билан "Янги Ўзбекистон" боғи ва Чимён дам олиш зонаси яқинидаги йўлларда айрим чекловлар жорий этилди.
ЙҲХББ хабарига кўра, 2021 йил 31 декабрь ҳамда 2022 йил 1 январь кунлари "Янги Ўзбекистон боғи"га ташриф буюрувчи фуқаролар хавфсизлигини таъминлаш мақсадида боғ атрофида айрим йўлларда транспорт воситалари ҳаракати вақтинча чекланади. Боғ атрофида автотураргоҳлар ва тўхтаб туриш жойларини ташкил этиш чоралари кўрилган.
Бундан ташқари 2021 йил 31 декабрь кунидан 2022 йил 5 январь кунига қадар Бўстонлиқ туманининг дам олиш зоналаридан ўтган автомобиль йўлларида ҳаракатланиш учун айрим чекловлар киритилади. Бу автомобиль йўлларида тирбандликларнинг олдини олиш ва ҳаракат хавфсизлигини таъминлаш мақсадида қилинмоқда.
Чимён дам олиш зонаси яқинидаги йўллардаги чекловлар
© Фото: Тошкент вилояти ИИБ
Хусусан, автотранспорт воситаларининг оқимини ҳисобга олган ҳолда 4Р6 Тошкент–Чимён автомобиль йўлининг 57–92 километрлари ва 4Р10 Чорвоқ сув омбори ҳалқа йўли автомобиль йўлининг 0–12 километрлари оралиғида бир томонлама ҳаракатланиш жорий қилинди.