ТОШКEНТ, 30 декабрь – Sputnik. Озарбайжоннинг Боку шаҳрида жойлашган "Ҳажигабул" саноат квартали 28 декабрь куни “UzAuto Motors”нинг ишлаб чиқариш линияси иккинчи босқичига ўтди. Энди корхонада – Damas, Labo, Lacetti Tracket ва Malibu автомобилларини йиғиш йўлга қўйилди, деб хабар қилмоқда
В Азербайджане запустили сборку автомобилей Chevrolet Damas, Labo, Lacetti, Tracker и Malibu
Ишлаб чиқариш “Азермаш СП” МЧЖ заводи қувватларида йўлга қўйилган бўлиб, бу ерда жорий йилнинг сентябрь ойидан буён Nexia ва Cobalt автомобиллари ишлаб чиқарилаётган эди. Барча маҳсулотлар General Motors томонидан ўрнатилган стандартларга мувофиқ ишлаб чиқарилади.
Корхона 2022 йил охирига келиб, йилига камида 5000 та автомобиль ишлаб чиқариш қувватига эришиш режалаштирилган. Лойиҳа томонлар ўртасида 2021 йил 21 июлда имзоланган келишув туфайли амалга оширилди.
Эслатиб ўтамиз, “UzAuto Motors” Қозоғистонда ҳам автомобиллар ишлаб чиқаришни йўлга қўйган. Хусусан Костанай шаҳрида жойлашган "СарыаркаАвтоПром" корхонасида ҳам Nexia, Cobalt, Tracker, Malibu, Damas, Labo ва TrailBlazer автомобилларини ишлаб чиқаришни йўлга қўйган.