ТОШКЕНТ, 15 дек — Sputnik. ЮНЕСКО сешанба куни араб ҳуснихатини номоддий маданий мерос рўйхатига киритди.
Саудия Арабистони бошчилигидаги 16 мусулмон давлати араб ҳуснихатини ташкилотнинг номоддий маданий мерос рўйхатига киритиш учун ариза топширди.
"Араб ҳуснихати - уйғунлик, нафосат ва гўзалликни ифодалаш учун араб ёзувини равон ёзиш бадиий амалиётни намоён этади. Расмий ва норасмий таълим орқали ўргатилиши мумкин бўлган бу амалиётда араб алифбосининг йигирма саккиз ҳарфидан фойдаланилади, улар ўнгдан чапга ёзилади" - дейилган ЮНЕСКО сайтидаги хабарда.
Баёнотда ёзилишича, хаттотлик дастлаб ёзув тушунарли ва ўқилиши учун яратилган бўлиб, аста-секин анъанавий ва замонавий асарларда қўлланиладиган араб ислом санъатига айланди.