8 декабр куни Мустақил Давлатлар Ҳамдўстлиги (МДҲ) ўзининг 30 йиллигини нишонлади. Бу сана Россия, Ўзбекистон ва бошқа Ҳамдўстлик мамлакатлари учун нимани англатади? Sputnikга берган эксклюзив интервьюсида Евроосиё интеграцияси бўйича эксперт, иқтисод фанлари номзоди Қубат Раҳимов ўз фикрларини айтди.
Иқтисодчининг фикрига кўра, Ўзбекистон МДҲ ва ЕОИИ эркин савдо зонаси борасида жуда прагматик ёндашмоқда. Иккинчи муддатга президент этиб сайланган Шавкат Мирзиёевнинг ёндашуви минтақадаги Евроосиё интеграцияси йўналишига тўғри келади.
Эксперт 2014 йилда иттифоққа аъзо бўлган Қирғизистон мисолида ЕОИИга киришнинг афзалликлари ҳақида гапирди. Шу жумладан, афзалликлардан бири - патент олиш зарурати йўқлиги.
"Ўзбекистон учун ЕОИИга қўшилиш самарасини жиддий пул билан ўлчаш мумкин. Республика иқтисодиёти йилига 1 млрд $гача тежайди", — деди Раҳимов.
Бундан ташқари, эксперт Қозоғистон ҳукумати тўртта трансчегаравий хаб қуришни режалаштирганини эслатди: биттадан Ўзбекистон ва Қирғизистон билан чегарада, иккитаси Россия билан чегарада.
Бу транспорт марказлари ўзбек фермерларига фойда келтирадими? Хаблар Ўзбекистон, Россия ва яна икки давлат иқтисодиётига қандай таъсир қилади?