ТОШКЕНТ, 7 дек — Sputnik. Қозоғистон президенти Қосим-Жомарт Тоқаев маҳаллий бизнеснинг қўшни давлатлар бозорларига чиқиши учун замонавий инфратузилмани ривожлантириш ҳақида гапирди. Бу ҳақда Қозоғистон президент матбуот хизмати хабар қилди.
"”Хоргос” халқаро трансчегаравий ҳамкорлик маркази муваффақиятли фаолият кўрсатмоқда. Бу ишлар доирасида яна тўртта трансчегаравий хаб қуриш режалаштирилган: иккита - Россия билан чегарада, биттадан - Ўзбекистон ва Қирғизистон билан чегарада. Бу транзакция харажатларини камайтиради, транспорт логистикаси самарадорлигини оширади ва натижада экспорт ҳажмимизни оширади”, - деди Тоқаев “Олтин сапа” ва “Париз” мукофотлари ғолибларини тақдирлаш маросимида.
Президент ўз нутқида ишлаб чиқарилаётган маҳсулотларнинг рақобатбардошлигини ошириш, замонавий сифат тизимларини жорий этиш муҳимлигини таъкидлади.
"Корхоналарда бизнес-жараёнларнинг диагностикаси ушбу соҳадаги жаҳон тенденцияларига мос келиши керак. Бу биринчи навбатда рақамлаштириш ва Саноат 4.0 элементларидан фойдаланиш ҳақида бормоқда. Шу муносабат билан "Олтин сапа" танлови талабларини босқичма-босқич янги талабларга мувофиқлаштириш керак”, — деб қўшимча қилди Қосим-Жомарт Тоқаев.