ТОШКЕНТ, 3 дек - Sputnik. Жаҳон туризм ташкилоти (UNWTO) Бош ассамблеясининг 2023 йилда бўлиб ўтадиган 25-сессияси Самарқандда бўлиб ўтади, деб хабар қилди президент матбуот котиби Шерзод Асадов маълум қилди.
Бу ҳақида айни дамда Испаниянинг Мадрид шаҳрида бўлиб ўтаётган ўтаётган UNWTOнинг 24-сессия доирасида маълум бўлди. Ушбу тадбирдаги овоз бериш якунларига кўра, нуфузли анжуманни ўтказиш жойи сифатида Самарқанд шаҳри танланди, дейилган хабарда.
Маълумот учун, ташкилотнинг 2 ноябрь куни бўлиб ўтган мажлисида Ўзбекистоннинг UNWTOдаги доимий вакили Жаҳонгир Ғаниев 2023 йилда бўлиб ўтадиган UNWTO Бош ассамблеясининг 25-умумжаҳон анжуманини Самарқандда ўтказишни таклиф қилгани ҳақида хабар берган эдик. Ғаниев айтишига кўра, Ўзбекистон ҳукумати томонида Самарқандда замонавий инфратузилма яратиш, логистка масалалари ҳамда туризм секторини ривожлантириш бўйича катта ишлар амалга оширилмоқда.