ТОШКЕНТ, 2 дек – Sputnik. Бугун, 2 декабрь куни, Наманган халқаро аэропортига Россиянинг “Smartavia” авиакомпанияси ҳаво кемаси илк маротаба мунтазам парвозини амалга оширди, деб хабар қилмоқда аэропорт матбуот хизмати.
Boeing-737 самолётида 137 нафар йўловчи Санкт-Петербургдан Наманганга олиб келинган.
Таъкидланишича, авиакомпания ҳафтанинг ҳар пайшанба куни Санкт-Петербург-Наманган-Санкт-Петербург йўналишида мунтазам парвозларни амалга оширади.
“Smartavia” авиакомпанияси Наманганга бугунга қадар фақат чартер рейсларини амалга ошириб келган.