ТОШКЕНТ, 1 дек - Sputnik. Россия президенти Владимир Путин янги муддатга сайланиш ҳуқуқ борлигини маълум қилди.
"Мен Россия президентлигига сайланишим ёки сайланмаслигимни ҳали ўзим ҳам ҳал қилганим йўқ, лекин Россия конституциясига мувофиқ мен янги муддатга сайланиш ҳуқуқим бор. Ана шунинг ўзи ички сиёсий вазиятни барқарорлаштириб туради. Ҳозирча шунинг ўзи етарли, мен муддатидан олдин ўз режаларимни ошкор қилмайман", - деди Путин.
Келажак режалар ҳақида гапирганда, биз мамлакатни ривожлантириш учун олдин эълон қилган мақсадларга эришишни истаган бўлардим. Бу шунингдек кадрлар масаласига ҳам таалуқли. Мен сиёсатда, бизнесда, экономикада ва санъатда ҳам амбицияли ва ватанпарвар ёшларни кўришни истаган бўлардим. Улар мамлакат ривожланиш йўлларини топиши, унинг келажагини ўз қўлларига олиши мумкин. Россия келажаги айнан шундай бўлишига мен бир сония ҳам шубҳа қилмайман, деди президент.