ТОШКЕНТ, 28 ноя — Sputnik. Ашхобод шаҳрида ўтаётган ИҲТ саммити тадбирлари доирасида президент Шавкат Мирзиёев Покистон президенти Ориф Алвий ва Тожикистон президенти Эмомали Раҳмон билан алоҳида учрашув ўтказди.
Мирзиёев Алвий билан Ўзбекистон-Покистон кўп қиррали ҳамкорлигини янада кенгайтириш масалаларини кўриб чиқди.
Президентлар диққат марказида Афғонистонда вужудга келаётган вазият бўлди.
В Ашхабаде президент Шавкат Мирзиёев провел встречу с президентом Пакистана Арифом Алви.
Эмомали Раҳмон билан бўлиб ўтган учрашувда Ўзбекистон ва Тожикистон етакчилари стратегик шериклик муносабатларини янада мустаҳкамлаш масалаларини кўриб чиқдилар. Кенг кўламли савдо-иқтисодий ҳамкорликни янада мустаҳкамлаш муҳим экани қайд этилди.
Улар саноат, энергетика, қишлоқ хўжалиги, транспорт, туризм ва бошқа устувор соҳаларда истиқболли кооперация лойиҳаларини амалга оширишга алоҳида эътибор қаратишди.
Шунингдек, президентлар Марказий Осиё минтақасидаги вазиятнинг ривожланиши юзасидан ҳам фикр алмашдилар.
Аввалроқ Шавкат Мирзиёев бу саммит доирасида туркманистонлик ҳамкасби Гурбангули Бердимуҳамедовбилан музокара ўтказган эди.