"Мисс Қирғизистон" энг гўзал маликалари аниқланди – фото

ТОШКЕНТ, 23 ноя — Sputnik. Куни кеча Бишкекдаги банкет залларидан бирида “Қирғизистон гўзали – 2021” танловининг финали бўлиб ўтди.

Ташкилотчиларнинг сўзларига кўра, танлов биринчи марта ёпиқ форматда ўтказилди ва финалга фақат 5 нафар қиз чиқди. Улар миллий ва кечки либосларда чиқиш қилишди.

Ҳакамлар ҳайъати таркибига халқаро гўзаллик танловлари вакиллари кирди.

22 ёшли Алина Оморова “Мисс Қирғизистон – 2021” танлов ғолибаси бўлди.

У мамлакат номидан "Дунё гўзали" танловида иштирок этиш ҳуқуқига эга бўлди.

Алина “дизайн ва архитектура” факультетининг 5-курс талабаси ва кўчмас мулк агентлигини бошқаради. Бундан ташқари, қиз хореография билан шуғулланади ва психологияни ўрганади.

18 ёшли Жамиля Жиргалбекова биринчи вице-мисс деб эълон қилинди. У Miss Grand International 2022 танловида Қирғизистон номидан қатнашиш шарафига муяссар бўлди.У турли хайрия тадбирларида фаол иштирок этимоқда ва Қизил Хоч волонтери ҳисобланади.

Тиббиёт институти талабаси Ширин Алайчиева иккинчи вице-мисс унвонига сазовор бўлди. У Miss Intercontinental 2022 танловида республика шарафини ҳимоя қилади.

Учинчи вице-мисс унвони эса 18 ёшли Салима Асанбековага насиб этди. У “Miss International 2021” танловига боради. Салима - ши иккинчи курс талабаси (банк иши). .

Яна бир вице-мисс 17 ёшли Азиза Бахитбекова бўлди. У хореография билан шуғулланади. Балоғат ёшига этганида, Азиза Miss Multinational 2022 танловига боради.