ТОШКЕНТ, 17 ноя – Sputnik. Наманган шаҳри Давлатобод туманида эркак ўзи билан ишқий муносабатда бўлиб келган аёлнинг “Malibu-2” сини ёқиб юборди.
Вилоят ИИВ матбуот хизмати хабарига кўра, ҳодиса 13 ноябрь куни рўй берган. 32 ёшли аёлнинг машинаси уйи олдидаги автотураргоҳда бўлган.
Суриштирувда аёлнинг машинасини унинг таниши ёқиб юборгани аниқланган. Аниқланишича, улар ўртасида келишмовчилик бўлган. Фуқаро бу ишни маст ҳолда қилган.
Мазкур ҳолат юзасидан терговга қадар текширув ҳаракатлари олиб борилмоқда.