ТОШКЕНТ, 13 ноя — Sputnik. Ғарбий Австралия университети олимларига кўра, қора чойни мунтазам ичиш гипертония билан курашишга ёрдам беради. Тадқиқот натижалари American Journal of Clinical Nutrition журналида чоп этилди.
Мутахассислар машҳур ичимликнинг систолик қон босими юқори бўлган эркаклар ва аёлларга таъсирини ўрганишди. Иштирокчилар кунига уч стакан қора чой ёки флавоноидсиз кофеинли ичимлик ичишди. Уларнинг соғлиғи биринчи куни ва уч ва олти ойдан кейин баҳоланди.
Маълум бўлишича, чой, иккинчи ичимлик билан солиштирганда, систолик ва диастолик босимни барқарорлаштиришга кўпроқ таъсир қилади. Ўзгаришлар кундузи кичик бўлса-да, кечаси улар ўн фоизга камайди. Бу таъсир тажрибанинг биринчи кунидаёқ ўзини намоён қилди ва олти ой давом этди, шу билан бирга у субъектларнинг қон босими ва юрак уриш тезлигининг дастлабки даражасига боғлиқ эмас эди.
"Тадқиқот натижалари шуни кўрсатдики, қора чойнинг маълум бир таркибий қисми кофеиндан ташқари, тунги вақтда қон босимининг ўзгариш тезлигига таъсир қилиши мумкин", - деб хулоса қилди тадқиқот муаллифлари.