ТОШКЕНТ, 12 ноя - Sputnik. Ҳайдовчилик гувоҳномаларини янгисига алмаштириш хизмати қайта тикланди. Бу ҳақида Давлат Хизматлари агентлиги хабар қилмоқда.
Эслатиб ўтамиз, бир неча соат олдин техник муаммолар туфайли ҳайдовчилик гувоҳномасини янгисига алмаштириш хизмати вақтинча тўхтатилгани ҳақида хабар қилинган эди.
Маълумот учун, ушбу хизматдан фойдаланиш учун ИИББ ЙҲХБ бўлимларига ёки Давлат хизматлари марказларига мурожаат қилиш мумкин. Марказлар шанба, якшанба ва байрам кунларидан ташқарисоат 09:00дан 15:00гача ишлайди.