ТОШКЕНТ, 11 ноя – Sputnik. Афғонистондан тарқалаётган асосий хатар терроризм бўлиб қолмоқда. Бу ҳақда Россия Хавфсизлик кенгаши котиби Николай Патрушев Деҳлидаги учрашув якунида маълум қилди, дея ёзади РИА Новости.
Унинг сўзларига кўра, турли ҳисоб-китобларга кўра, ҳозир Афғонистонда 20 тадан зиёд террорчилик тузилмалари фаолият юритади.
Россия Хавфсизлик кенгаши котибининг маълумотларига қараганда, Афғонистондаги террорчилар сони 23 минг нафардан ошади.
Нью-Деҳлида 10 ноябрь куни Афғонистондаги хавфсизлик масалаларига оид Деҳли минтақавий мулоқот бўлиб ўтди. Унда Ҳиндистон, Эрон, Қозоғистон, Қирғизистон, Қозоғистон, Россия, Тожикистон, Туркманистон ва Ўзбекистон вакиллари қатнашди.