ТОШКЕНТ, 8 ноя — Sputnik. Синоптиклар Тошкентда ҳавонинг чанг билан ифлосланиши ҳақида маълумот берди. Вазият аста-секин нормал ҳолатга қайтмоқда, чанг ва қум концентрацияси пасайиб бормоқда.
Кўрсаткичлар нормага яқин.
“8 ноябр соат 11:00 ҳолатига кўра, Тошкент шаҳрида ҳавонинг чанг билан ифлосланиши пасайишда давом этмоқда, мониторинг натижаларига кўра, рухсат этилган максимал қийматдан ошмайди”, - дейилган хабарда.
Илгарироқ, Тошкент ҳокимлиги пойтахтнинг қатор кўчалари чангни бостириш учун сув билан ювилгани ҳақида берди. Бу ишларга махсус техникалар жалб қилинган.