ТОШКЕНТ, 8 ноя – Sputnik. Ўзбекистон бокс бўйича катталар ўртасидаги ЖЧ - 2023 мусобақасига мезбонлик қилади.
Сербия пойтахти Белград шаҳрида Ўзбекистон бокс федерацияси раисининг биринчи ўринбосари Сакен Полатов ЖЧ мезбони учун бериладиган байроқни қабул қилиб олди.
25 октябрь - 6 ноябрь кунлари Белградда бокс бўйича эркаклар ўртасида Жаҳон чемпионати ўтказилди. Мусобақа якунига кўра, ўзбекистонлик боксчилар 1 та кумуш ва 1 та бронза медалига сазовор бўлишди. Жаҳон чемпионатида Абдумалик Халаков кумуш, Мадиёр Саидраҳимов эса бронза медалини қўлга киритди.
Ўзбекистонлик боксчилар ушбу мусобақада умумжамоа ҳисобида ўнинчи ўринни эгаллашди. Россиянинг Екатеринбург шаҳридаги 2019 йилги ЖЧда умумжамоа ҳисобида биринчи бўлишганди.