ТОШКЕНТ, 8 ноя – Sputnik. Қобул Турсунов Навоий вилояти ҳокими лавозимидан озод этилди. Ўзбекистон президенти тегишли фармонга имзо чекди. Бу ҳақда давлат раҳбари матбуот хизмати хабар бермоқда.
Қобул Турсунов 2016 йил 25 декабрдан бери Навоий вилояти ҳокими вазифасида ишлаб ишлаб келаётган эди.
Президентнинг бошқа фармони билан Нормат Турсунов Навоий вилояти ҳокими вазифасини бажарувчи этиб тайинланди.
Нормат Турсунов бунга қадар Тошкент шаҳар давлат солиқ бошқармаси бошлиғи лавозимида меҳнат қилиб келаётган эди.
Эслатиб ўтамиз, апрель ойида президент Шавкат Мирзиёев видеоселектор йиғилишида Навоий вилояти ҳокими Қобул Турсуновга ҳайфсан берган эди. Агар, чорак якунигача вилоятда ижобий ўзгариш бўлмаса, ишдан кетишини маълум қилган эди.