ТОШКЕНТ, 6 ноя - Sputnik. Белградда бўлиб ўтган Бокс бўйича Жаҳон Чемпионатида ўзбекистонлик боксчи Абдумалик Халаков кумуш медал соҳиби бўлди, деб хабар қилмоқда МОҚ.
"60 кг вазн тоифасида иштирок этган Халаков жаҳон чемпионлиги учун франциялик Софьян Умиага қарши рингга кўтарилди. Икки юқори техника эгалари ўртасидаги шиддатли баҳс мусобақанинг энг чиройли жангларидан бирига айланди", - дейилган хабарда.
Ушбу тўқнашувда француз боксчиси ғалаба қозониб, жаҳон чемпионлигини қўлга киритди.
Шу тариқа, Белградда бўлиб ўтган жаҳон чемпионатида Ўзбекистон бокс терма жамоаси 1 та кумуш ва 1 та бронза медаллари билан якунлади.
Эслатиб ўтамиз бронза медалига 92 кг вазн тоифасида иштирок этган ёш боксчи Мадияр Саидраҳимов сазовор бўлган эди.