ТОШКЕНТ, 3 ноя — Sputnik. Ахборотлаштириш ва телекоммуникациялар соҳасида назорат бўйича давлат инспекцияси ("Ўзкомназорат") Telegram, YouTube, Instagram, Facebook, Odnoklassniki тармоқларининг Ўзбекистондаги фаолиятини чеклади.
"Ўзкомназорат" шахсга доир маълумотлар субъектлари ҳуқуқларини бузувчилар реестрини юритади. Унга Odnoklassniki, YouTube, LinkedIn, Instagram, Facebook, Telegram ва бошқа ижтимоий тармоқлар киради.
"Ўзкомназорат" ижтимоий тармоқларга июнь ойида тақдимнома юборган ва уларнинг фаолиятини 2 июль куни чеклаган. Кейин инспеция 2 ноябрь куни тақдимнома юборган ва уларнинг фаолиятини 3 ноябрь куни чеклаган.
Эслатиб ўтамиз, 2021 йил июль ойи аввалида TikTok, Twitter, Skype, "ВКонтакте"нинг Ўзбекистондаги фаолияти чекланган эди. Кейинроқ улар сафига Хитойнинг WeChat ижтимоий тармоғи ҳам қўшилганди.