ТОШКЕНТ, 2 ноя – Sputnik. Россия С-500 тизимларини биринчи бўлиб Хитой ва Ҳиндистонга сотиши мумкин, деди Федерал ҳарбий-техник ҳамкорлик хизмати (ФСВТС) директори Дмитрий Шугаев. РИА Новости РБК нашрига асосан.
“Россия Қуролли кучлари етарлича С-500 тизимлари билан таъминланганидан сўнг, уни экспортга етказиб бериш мумкин бўлади. Биз Ҳиндистонни ҳам Хитойни ҳам, умуман узоқ муддатли баррқарор муносабатлар ўрнатилган барча ҳамкорларимизни ушбу энг замоанавий тизимнинг истилболли харидорлар сифатида кўриб чиқмоқдамиз”, - деди Шугаев.
Шу билан бирга ФСВТС ҳар қандай буюртмани алоҳида шартларда кўриб чиқишга тайёр.
Россия президенти бироз олдин серияли ишлаб чиқарилган дастлабки С-500 тизимларини Россия армиясига етказиб бериш яқин вақт ичида бошланишини хабар қилган эди.
С-500 "Прометей" – “ер – ҳаво” тизимидаги зенит-ракета мажмуаларининг янги авлодига мансуб бўлиб, узоқ масофага зарба берувчи универсал ҳимоя воситасидир. Мажмуа бир вақтнинг ўзида 600 км масофада 7км/сония тезликда учиб келаётган 10та нишонни “тутиб олиши” кузатиб бориши ва йўқ қилиши мумкин. С-500 шу жумладан гипертовушли ракеталарни ҳам тутиб олиш имконига эга.