ТОШКЕНТ, 2 ноя — Sputnik. 2021 йилнинг январь-сентябрь ойларида Ўзбекистон хорижий давлатларга 25 171 та енгил автомобиллар экспорт қилган. Бундан Давлат статистика қўмитаси маълумотлари дарак бермоқда.
Уларнинг умумий қиймати 242,5 млн долларга тенг бўлган.
“Енгил автомобиль экспорти ўтган йилнинг мос даври билан солиштирилганда 14 036 тага ошган”, - дейилган хабарда.
Енгил автомобилларни асосан Қозоғистон (24 137), Украина (448) Россия (320) харид қилган.
Бундан ташқари, автомобиллар Афғонистон (128), Тожикистон (64), Озарбайжон (37) ва Қирғизистонга (30) экспорт қилинган.
Жорий йилнинг 9 ойи мобайнида Ўзбекистон қиймати 390,2 млн долларлик қарийб 18 150 та енгил автомобил импорт қилган. Бу ўтган йилнинг мос даври билан солиштирилганда 2331 тага камайган.