ТОШКЕНТ, 2 ноя — Sputnik. Афғонистон пойтахти Кобулда касалхона олдида портлашлар содир бўлди.
РИА Новостининг ўз манбасига таянган ҳолда хабар беришича, ҳужум оқибатида ҳалок бўлганлар сони 23 кишига етган, 50 киши жабрланган.
Аввалроқ маҳаллий “Bakhtar” нашри Кобулдаги касалхонага “Ислом давлати”* террорчилик гуруҳи жангарилари ҳужум қилгани ҳақида хабар берганди. Гувоҳлардан бири РИА Новостига бир гуруҳ жангарилар портлаш рўй берган касалхонаси биносига киришгани ва “Толибон”* вакиллари билан жанг қилаётганини маълум қилган.
Толиблар вакили Билол Каримий Кобулдаги касалхона иккита портлаш содир бўлганини маълум қилган. Ҳодиса жойига махсус хизмат ходимлари етиб келишган.
* Россия ва қатор мамлакатларда тақиқланган террорчилик ташкилотлари