ТОШКЕНТ, 1 ноя — Sputnik. Сербиянинг Белград шаҳрида бўлиб ўтаётган бокс бўйича эркаклар ўртасидаги Жаҳон чемпионатида Мадиёр Саидраҳимов, Лазизбек Муллажонов, Абдумалик Ҳалоков чорак финалга йўл олишди.
-92 кг вазн тоифасида ҳаракат қилаётган Мадиёр Саидраҳимов қозоғистонлик рақиби Айбек Оралбай устидан 4:1 ҳисобида устун келди.
Боксёр Мадиёр Саидрахимов
© Пресс-служба Федерации бокса Узбекистана
Шу тариқа Саидраҳимов чорак финалга йўл олди ва у ерда англиялик Льюис Уильямсга қарши жанг қилади.
+92 кг вазн тоифасида Ўзбекистон шарафини ҳимоя қилаётган Лазизбек Муллажонов нимчорак финалда англиялик Делисиус Орьега қарши рингга чиқди. Лазизбек 5:0 ҳисобидаги ғалабани қўлга киритиб, чорак финалга йўл олди.
Боксёр Лазизбек Мулложонов
© Пресс-служба Федерации бокса Узбекистана
Энди у чорак финалда арманистонлик Чалоян Давит билан юзлашади.
-60 кг вазн тоифаси вакили Абдумалик Ҳалоков нимчорак финалда словениялик боксчи Тадей Чернога имкон қолдирмади ва чорак финал йўлланмасига эга чиқди.
Боксёр Абдумалик Халаков
© Пресс-служба Федерации бокса Узбекистана
Ҳалоков чорак финалда россиялик Всеволод Шумковга қарши жанг ўтказади.
Аввалроқ Шаҳобиддин Зоиров япониялик Томоя Цубоига имкониятни бой бериб, чорак финал йўлланмасидан қуруқ қолган эди.