ТОШКЕНТ, 31 окт — Sputnik. Франция пойтахти Париж шаҳриида 29 октябрь – 4 ноябрь кунлари ҳарбийлар ўртасидаги Жаҳон чемпионати бўлиб ўтмоқда.
Унда ўзбекистонлик дзюдочи, Токио Олимпиадаси совриндори Давлат Бобонов финалда бразилиялик Годой Де Мачедони билан ўзаро куч синашди. Муросасиз кечган баҳсда Бобонов рақибини мағлубиятга учратди, дея хабар беради Мудофаа вазирлиги.
У финалга қадар Австрия, Россия ва Словакия дзюдочиларидан устун келган эди.
Аввалроқ -90 кг вазн тоифасидаги дзюдочи Давлат Бобонов Халқаро дзюдо федерациясининг янгиланган рейтингида биринчи ўринга кўтарилиб олгани хабар қилинган эди.