ТОШКЕНТ, 30 окт – Sputnik. "Ривожланиш стратегияси" марказининг ижрочи директори Элдор Туляков янги президентлик даврида Шавкат Мирзиёев олдида турган вазифалар ҳақида айтиб берди. РИА Новости хабарига асосан.
"Мамлакатнинг жуғрофий жойлашувига кўра, Орол денгизи ва унинг атрофидаги ҳудудлар экологияси масаласи энг устувор вазифалардан бири бўлади. Ундан ташқари аҳоли кўпроқ иш ўринлари ва уларнинг эҳтиёжини қониқтирадиган маош олишни истайди", - деди Туляков.
Эксперт айтишига кўра, сифатли тибий хизмат ҳамда таълимга ҳам жамоатчилик талаби бор.
"Сўнгги беш йилда 50дан ортиқ олий таълим муассаси ташкил қилинган бўлса-да, ўқиш истаги бўлга ёшлар ОТМлар етишмаслигидан норози. Шунинг учун Ўзбекистонга халқаро ОТМларни жалб қилишга эътибор қаратилмоқда. Улар орасида Россия ОТМлари етакчилик қилмоқда. Биз шундай йўл билан ёшлани илм билан таъминлаш қамровини 2.5 баравар оширдик. Талаб бор, шунинг учун давлат бу масалани ҳал қилишга ҳаракат қилмқода", - деди марказ директори.
Халқаро сиёсатда эса, Ўзбекистон учун сиёсатниг Жанубий Осиё йўналиши муҳим бўлиб қолади. Ундан ташқари қўшни давлатлар ва Россия билан ҳам алоқалар мустаҳкамланади, деб прогноз қилди эксперт.
Эслатиб ўтамиз, 24 октябрь куни Ўзбекистонда навбатдаги президент сайлови бўлиб ўтди. МСК комиссияси 29 октябрь куни сайловнинг натижаларни расман эълон қилди ва унда ЎзЛиДеП партияси номзоди Шавкат Мирзиёев 80,12 % овоз билан ғолиб бўлганини ва беш йилга президент этиб сайланганини эълон қилди.