ТОШКЕНТ, 28 окт - Sputnik. Россиядаги "ЕвроМедиа" халқаро нашриёт уйи ҳокимият органлари билан алоқалар департаменти директори Галина Амирова, “МедиаЮг” нашриёт уйи ижрочи директори Владимир Денисов Ўзбекистон Журналистлари ижодий уюшмаси раиси Олимжон Ўсаров билан учрашди.
Бу ҳақда Sputnik Ўзбекистон мухбири хабар бермоқда.
"Учрашувда 2019 йилда Ўзбекистон Журналистлари ижодий уюшмаси ва Россия журналистлари уюшмаси ўртасида имзоланган меморандум ижроси доирасида амалга оширилаётган ишлар, икки давлат ОАВ вакилларининг ҳамкорлиги масалалари муҳокама қилинди ҳамда келгусида амалга оширилиши режалаштирилаётган ишлар бўйича фикр алмашилди", - деди Sputnik мухбирига берган изоҳида Олимжон Ўсаров.
Жумладан, икки давлат журналистлари ўртасида ўзаро тажриба алмашиш, ёш журналистлар учун семинар-тренинглар ташкил этиш, Ўзбекистонга россиялик журналистлар туризмини йўлга қўйиш режалаштирилмоқда.