ТОШКЕНТ, 24 окт – Sputnik. Хоразм вилоятида қуйма платина ва симоб суюқ металининг ноқонуний олди-сотдисига чек қўйилди. Бу ҳақда Давлат божхона қўмитаси матбуот хизмати хабар қилди.
ДХХ ходимлари иштирокида Урганч шаҳрида ўтказилган тезкор тадбирда аввалдан кузатувга олинган шахс оғирлиги 1 кг. 22 гр.ни ташкил қилувчи 1 дона платина қуймасини ва салкам 514 гр. оғирликдаги заҳарли симоб моддасини сотишга уринган вақтида ушланган.
У платина қуймасини 30 минг долларга, симобнинг ҳар бир грамини 1000 доллардан ҳисоблаб, жами 500 минг долларга сотишни кўзлаган.
Қонунбузар шахсдан олиб қўйилган платина ва симобнинг умумий қиймати 1 млрд 128,5 млн сўмни ташкил қилмоқда.
Терговга қадар текширув ҳаракатлари олиб борилмоқда.