"Толибон"* делегацияга Афғонистон муваққат ҳукумати раҳбарининг ўринбосари вазифасини бажарувчи Абдул Салом Ҳанафий бошчилик қилди.
Шунингдек, у билан бирга бир неча вазирлар, жумладан, ТИВ раҳбари Амир Хон Муттақий келди.
“Москва формати”да бўлиб ўтган учрашувда 10та мамлакат вакиллари иштирок этди.
Россия ташқи ишлар вазири Сергей Лавров жаҳон ҳамжамияти Афғонистонга ёрдам юбориш кераклиги, у ерда янги инқироз содир бўлишининг олдини олиш зарурлиги ҳамда ноқонуний миграция оқимларини тўхтатиш лозимлигини таъкидлади.
Россия "Толибон"*ни Афғонистондаги барча сиёсий кучлар иштирок этган ҳукуматни ташкил қилишга даъват этди.
"Толибон"* ҳаракатининг фикрича, улар халқаро ҳамжамият томонидан Афғонистоннинг қонуний ҳукумати сифатида тан олиниш учун барча зарур шартларни бажарган.
Толиблар шакллантирилган ҳукумат таркиби якуний эмаслилиги айтиб, у ўзгаришини таъкидлашди.
"Толибон"* сиёсий офиси вакилининг сўзларига кўра, ушбу мавзу батафсил муҳокама қилинган.
Москва музокараларида, шунингдек, "Толибон"*га қўйилган халқаро санкцияларни бекор қилиш ҳамда Афғонистон ҳукуматининг музлатиб қўйилган активларидан фойдаланиш имкони муҳокама қилинди.
Россия президентининг Афғонистон бўйича махсус вакили Замир Кабулов музокаралардан сўнг Афғонистон катта сиёсий савдо олиб борётгани ҳақида фикр билдирди.
Толиблар Москвадаги музокараларни ижобий ўтишганини таъкидлашган.
Ҳанафий барча давлатлар Афғонистон хавфсиз ва барқарор бўлиши кераклигини тасдиқлашган.
Толиблар фикрича, дунё ҳамжамияти уларни Афғонистоннинг қонуний ҳокимияти деб тан олишлари шарт.
"Москва формати" аъзолари БМТдан Афғонистонни қайта тиклаш ва ижтимоий-иқтисодий ёрдам кўрсатиш учун Халқаро донорлик анжумани чақиришни сўрашган.
Замир Кабуловнинг сўзларига кўра, толиблар халқаро ҳамжамиятнинг инклюзив ҳукумат ва инсон ҳуқуқлари борасидаги кутилмаларининг катта қисмини амалга оширишса, ўшандагина тан олишини мумкин.