ТОШКЕНТ, 21 окт – Sputnik. 2024 йил 1 январгача айрим турдаги газлама ва матоларга импорт божи қўлланилмайди. Бу ҳақда Ўзбекистон президентининг тегишли қарори қабул қилинди.
Ҳужжат билан қуйидаги айрим турдаги хомашё ва ярим тайёр маҳсулотларга импорт божхона божи "ноль" ставкада қўлланилади:
сунъий мўйна;
зиғирпоя толасидан тўқилган газламалар;
сунъий толалардан тайёрланган газламалар;
шиша иплар;
шиша толали матолар ва бошқалар.
Аввалроқ Ҳукумат қарори билан 2022 йил 1 майгача банан ва бошқа цитрус мевалар божхона божидан озод қилингани хабар қилинган эди.