ТОШКЕНТ 20 окт - Sputnik. "Янги Ўзбeкистон" унивeрситeтида илк ўқув йили бошланди.
Университетда 18-23 октябрь кунлари таништирув ҳафталиги ўтказилмоқда. Мазкур ҳафта давомида талабаларга яратилган шарт-шароитлар, фан ўқитувчилари, дарс жадваллари, баҳолаш мезони, университет тартиб-қоидаси, шунингдек "Янги Ўзбекистон" таълим портали (Intranet) билан таништириб борилаяпти.
Университетга кириш имтиҳони Cambridge Assessment ташкилоти билан ҳамкорликда ўтказилиб, 200 нафар абитуриент ўқишга қабул қилинган эди.
Талабалар 2021-2022 ўқув йилида механика муҳандислиги, кимё муҳандислиги ҳамда дастурий таъминот муҳандислиги йўналишларида таҳсил оладилар.
"Янги Ўзбекистон" университети ўз йўналишида "Дунёнинг энг яхши 100 та университети" рейтингида 1-ўринда турадиган Массачусетс технология институти билан ҳамкорлик қилади.