ТОШКЕНТ, 14 окт — Sputnik. Ўзбекистон фуқароларига нисбатан миграция амнистияси - бу Кремлнинг масаласи эмас, ИИВ ёки миграция идораларидан изоҳ олишингиз мумкин, деди Россия президенти матбуот котиби Дмитрий Песков. РИА Новости хабарига асосан.
Ўзбекистон элчихонаси 158 минг Ўзбекистон фуқаросига нисбатан "миграция амнистияси" берилганини маълум қилди.
Шунингдек, "миграция амнистияси" илгари суд қарорлари асосида Россиядан депортация қилинган Ўзбекистон фуқароларига тааллуқли эмаслиги қайд этилди.
Журналист "бундай амнистия жиноий вазиятга таъсир қилиши мумкинми", - деган савол билан Россия президенти матбуот котибига мурожаат қилди.
"Қаранг, бу президент администрациясига тегишли савол эмас. Бу бизнинг миграция идоралари ва ИИВга тегишли савол. Мен сизга у ерга мурожаат қилишни маслаҳат бераман", - деди Песков журналистларга.
Песков, шунингдек, бундай амнистия тўғрисида қарор Кремл томонидан қабул қилинмаганини тасдиқлади.