ТОШКЕНТ, 12 окт - Sputnik. Ўзбекистон президенти Шавкат Мирзиёев Қашқадарё вилоятига ташрифи чоғида Қарши шаҳрида яқинда фойдаланишга топширилган янги президент мактабини бориб кўрди ва ўқувчилар билан суҳбатлашди.
- Бу ҳаётларингиздаги биринчи энг катта ғалабангиз. Ана шу ғалаба билан сизларни табриклайман, ота-онангизга раҳматлар айтаман. Ўз келажагингизга замин яратаяпсиз. Вақтдан, бу шароитлардан унумли фойдаланинглар. Бугунги муваффақият - тарих. Янаям кўпроқ ўқиб, изланишдан тўхтаманглар. Келгусида янги Ўзбекистоннинг муносиб фарзандлари бўлиб етишасизлар. Мен бунга ишонаман, - деди Шавкат Мирзиёев.
Шунингдек, президент мактаби билан вилоятдаги бошқа мактаблар ўртасида тажриба алмашинувни йўлга қўйиш, шу асосида аниқ фанларни ўқитиш методологиясини янгилаш зарурлиги таъкидланди.
Шавкат Мирзиёев посетил президентскую школу в Карши
© Пресс-служба президента Узбекистана
Янги мактабнинг 168 ўринли мактаб биноси ва ётоқхона Президент мактаблари стандарти асосида қурилган. Фан хоналари, лабораториялар, спорт залларида энг замонавий шароитлар яратилган.
Шавкат Мирзиёев посетил президентскую школу в Карши
© Пресс-служба президента Узбекистана
Бу йил мактабга 10 мингдан зиёд ўқувчи ҳужжат топшириб, шундан 144 нафари қабул қилинган. Таълим жараёни ривожланган давлатлар тажрибаси асосида ишлаб чиқилган ўқув режалари ва дастурлари бўйича инглиз тилида олиб борилади. Бунинг учун энг малакали ўқитувчилар, жумладан, 10 нафар чет эллик мутахассис жалб қилинган. 15 ўринли ўқитувчилар меҳмонхонаси қурилган.
Шавкат Мирзиёев посетил президентскую школу в Карши
© Пресс-служба президента Узбекистана