ТОШКЕНТ, 11 окт - Sputnik. Ўзбекистонда 125 731 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди.
Ўзбекистон Соғлиқни сақлаш вазирлиги ахборотига кўра, мамлакатда коронавирусга чалинган болалар орасида ўлим ҳолатлари кузатилаётгани сабабли, 12 ёшдан катта болаларни вакцинация жараёнларига жалб этишга алоҳида эътибор қаратилмоқда.
Жумладан, Ўзбекистонда 28 сентябрдан 12 ёшдан катта болаларни ҳам коронавирусга қарши Pfizer вакцинаси билан ихтиёрий равишда эмлашга рухсат берилган.
"Бугунги кунда ота-оналар ва васийларининг розилиги билан 12 ёшдан катта болалар Pfizer вакцинаси билан эмланмоқда. Умумий эмлаш статистикасига кўра, Фарғона (37 358 доза), Андижон (19 562 доза) ва Самарқанд (14817 доза) вилоятлари эмлаш жараёнларида пешқадам бўлиб турибди. Ўзбекистонда эса 125 731 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди", - дейилади хабарда.