ТОШКЕНТ, 7 окт - Sputnik. Россия Ташқи ишлар вазирлиги толиблар делегациясини Афғонистон бўйича музокара ўтказиш учун 20 октябр куни Москвага таклиф қилмоқда.
"РФ толибларни ("Толибан"* ҳаракати РФда террорчи ташкилот деб тан олинган ва тақиқланган) Афғонистон бўйича "Москва формати"даги учрашувда иштирок этиш учун 20 октябрда Москвага таклиф этди", - дейилади хабарда.
Бу ҳақда журналистларга РФ президентининг Афғонистон бўйича махсус вакили, РФ ТИВ Оссиё иккинчи департаменти директори Замир Кабулов маълум қилган.
Дипломат толиблар делегациясига ким бошчилик қилиши ҳақидаги саволга аниқлик киритмаган.