ТОШКЕНТ, 5 окт – Sputnik. Ўзбекистонда кеча, 4 октябрь куни, 304 кишида коронавирус аниқланди. Бу 14 июндан буён энг паст кўрсаткичдир, деб хабар бермоқда ССВ матбуот хизмати.
2021 йил 4 октябрь ҳолатига кўра, Ўзбекистонда коронавирус билан касалланганларнинг умумий сони 176 019 нафарни ташкил этмоқда.
Тошкент аниқланаётган коронавирус бўйича ҳамон етакчи. Кеча пойтахтда 123 кишида ковид тасдиқланган. Тошкент (+42) ва Самарқанд (+38) вилоятларида ҳам бошқа ҳудудларга қараганда касалланиш юқорилиги кузатилмоқда. Кеча энг кам касалланиш Қорақалпоғистонда (+1), Навоий (+3) ва Сурхондарё вилоятларида қайд этилган.
Мамлакатда бу касалликдан соғайганлар жами 171 162 (+290) нафарга етган ва соғайиш кўрсаткичи 97 фоизни ташкил этмоқда.
Шунингдек, кеча 2 бемор вафот этиб, коронавирусдан вафот этганлар сони 1251 нафарга етган.
Бундан ташқари, 4 октябрь куни 12 нафар кишида пневмония аниқланиб, жами беморлар сони 27349 нафарга етди.
Кеча уларнинг 19 нафари соғайиб, умумий соғайганлар сони 25688 нафарни ташкил қилмоқда.