Қашқадарёда “Lacetti” автомобилидаги газ баллони портлаб кетди

Газ балони портлаши оқибатда ҳайдовчи енгил тан жароҳат олган ва шифохонага юборилган.
Sputnik
ТОШКЕНТ, 29 сен – Sputnik. Қашқадарё вилоятида “Lacetti”автомобилининг газ балонида портлади. Бу ҳақда ФВВ матбуот хизмати хабар бермоқда.
Ҳодиса бугун, 29 сентябрь куни, соат 08:05 да Ғузор тумани Мустақилик кўчасида рўй берган. Оқибатда ҳайдовчи енгил тан жароҳат олган ва шифохонага юборилган.
Жиззахдаги газ қуйиш шохобчасида икки автомобиль ёниб кетди
Қашқадарё вилояти ЙҲХБ ходимининг Sputnik нашрига аниқлик киритишича, автомашинада фақат ҳайдовчининг ўзи бўлган. Ҳайдовчининг қулоғи жароҳатланган. “Lacetti” атрофида бошқа машиналар бўлмаган.
Воқеа жойига ФВБ, ИИБ, ССБ, Прокуратура ва бошқа тегишли идораларнинг куч-воситалари жалб қилиниб, воқеа оқибатлари бартараф этилган.
Ҳозирда ҳодиса сабаби аниқланмоқда.