ТОШКЕНТ, 28 сен – Sputnik. 2021 йилнинг январь-август ойларида Ўзбекистон қарийб 15 мингта енгил автомобиль импорт қилган. Бу ўтган йилнинг ўтган йилнинг мос даври билан солиштирилганда 4350 тага кам. Бундан Давлат статистика қўмитаси маълумотлари дарак бермоқда.
Жорий йил январь-август ойларида импорт қилинган автомобиллар қиймати 316,6 млн долларига тенг.
8 ойи мобайнида энг кўп Хитой (4 652 та), Жанубий Корея (3 597), Россия (2 952) ва Қозоғистондан (1 744) автомобиль импорт қилинган. Бундан ташқари, Польша (811), Литва (427), АҚШ (331), Таиланд (250), Германия (81), Япония (64) ва Туркиядан (25) автомобиль олиб келинган.