ТОШКЕНТ, 26 сен — Sputnik. Ўзбекистон футбол ассоциациясининг навбатдаги ҳисобот-сайлов конгресси бўлиб ўтди. Бу ҳақда ЎФА матбуот хизмати хабар қилмоқда.
ЎФА устави асосида ЎФА президенти лавозимига Абдусалом Азизов, ЎФА биринчи вице-президенти лавозимига Равшан Эрматов сайланди.
Шунингдек, ЎФА вице-президенти лавозимига Азизбек Икрамов, ЎФА Ижроия қўмита аъзолигига Абдужаббор Абдуваҳитов, Эдита Миробидова, Тўлаган Исоқов, Жаҳонгир Усманов сайланди.
Эслатиб ўтамиз, 2019 йил июлида ДХХ раиси Абдусалом Азизов ЎФА президенти, Равшан Эрматов эса ЎФА биринчи вице-президенти этиб сайланган эди.