ТОШКЕНТ, 23 сен – Sputnik. Тошкент вилоятида 22 сентябрь куни бир гуруҳ экстремистлар фаолиятига чек қўйилди, деб хабар бермоқда вилоят ИИББ.
Вилоят ИИББ, прокуратура ва Давлат хавфсизлик хизмати билан ҳамкорликда Нурафшон шаҳри, Оҳангарон ва Чиноз туманларида тезкор тадбир ўтказган.
Унда яширин равишда экстремистик фаолият билан шуғулланиб келаётган 27 нафар шахслар ушланган.
Ҳозирда ушбу шахсларнинг хатти-ҳаракатларига қонуний баҳо бериш бўйича суриштирув ишлари олиб борилмоқда.
Аввалроқ Тошкент шаҳрининг Олмазор туманида яшовчи 10 нафар “Ҳизб ут-Таҳрир”* диний экстремистик ташкилоти аъзолари қўлга олинган эди.