ТОШКЕНТ, 22 сен — Sputnik. Сал аввал Туркманистон мухолифат блогерлари томонидан тарқатилган Туркманистон етакчиси Гурбангули Бердимуҳаммедовнинг соғлиғи ёмонлашгани, жумладан у комадалиги ҳақидаги хабарлар ҳақиқатга мос келмайди. Бу ҳақда Москвадаги Туркманистон элчихонасига таяниб РИА Новости хабар бермоқда.
"Қатор ОАВларда тарқатган Туркманистон президентининг гўёки соғлиғи ёмонлашгани ҳақидаги хабарлар, … мутлақо ёлғон ва ҳақиқатга мос келмайди", - деб айтишган Туркманистон элчихонаси дипломатлари.
Гурбангули Бердимуҳамедов бир кун олдин ҳукумат раҳбарлари иштирокида кенгайтирилган мажлисни ўтказган ва унда ҳужжатлар лойиҳалари кўриб чиқилган, дея таъкидланади элчихона матбуот-хизмати хабарида.
Дипломатик идоранинг аниқлик киритишича, "Туркманистон президенти иштирокидаги энг сўнгги тадбирларни turkmenistan.gov.tm сайтига кириб томоша қилиш мумкин".
Душанба, 21 сентябр куни давлат раҳбари ҳукуматнинг кенгайтирилган йиғилишини ўтказган. Тадбир доирасида Бердимуҳамедов қатор ҳужжатларни имзолаган. Бундан ташқари, мамлакат мустақиллигининг 30 йиллиги шарафига (байрам 27 сентябрда нишонланади) у 258 нафар туркманистонлик ва олти нафар чет эллик фуқароларни афв этган.