ТОШКЕНТ, 21 сен — Sputnik. Венгрияда бўлиб ўтган Жаҳон чемпионатида муносиб иштирок этиб, 21-та медал қўлга киритган ўзбекистонлик кикбоксингчилар 21 сентябрь куни эрта тонгда Тошкент аэропортида тантанали кутиб олинди, АОКА хабарига асосан.
“Спортчиларимиз эришган натижа билан фахрланамиз. Ўйлайманки, ғалабалар давомли бўлади ва тез орада Ўзбекистон кикбоксинг бўйича дунёдаги етакчи мамлакатлар қаторига қўшилади. Келгуси халқаро мусобақаларда барча спортчиларга омад ва муваффақият тилайман”, — деди Ўзбекистон Кикбоксинг Федерацияси президенти А.Ходжаев.
Маълумот учун, Будапешт шаҳрида 16-19 сентябрь кунлари Бутунжаҳон Кикбоксинг ассоциацияси (WAKO) томонидан ташкил этилган 26-Жаҳон кубогида Ўзбекистон кикбоксчилари жами 21 та медал — 5 та олтин, 6 та кумуш, 10 та бронзани қўлга киритиб, умумжамоа ҳисобида 19-ўринни эгаллашди.