ТОШКЕНТ, 19 сен — Sputnik. Самарқандда Россия Давлат думаси сайловларига овоз бериш жараёни бошланди, деб хабар бермоқда Sputnik мухбири.
Самарқандда 8371-сонли сайлов участкаси очилган. У ерда 700 нафарга яқин Россия фуқаролари ўзларининг Конституцияда белгиланган ҳуқуқларидан фойлаланиб, овоз бериш беришлари мумкин. Участкага 5 нафардан сайловчи киритилмоқда.
Овоз бериш барча карантин қоидаларига риоя қилинган ҳолда бўлиб ўтмоқда. Сайловчиларга киришда бир марталик ниқоб, қўлқоп ва ручкалар улашилмоқда.
Самарқандда россияликлар сайловларга бутун оилалари билан келиб, жараёнда фаол иштирок этишмоқда.
Жорий йил 17-19 сентябрь кунлари Россия Федерацияси Федерал Мажлисининг Давлат думасига сайловлар бўлиб ўтмоқда. Aсосий кун 19-сентабрь, якшанба ҳисобланади, бунда иштирок этишнинг энг юқори фоизи кутилмоқда. Пандемия сабаб сайловлар 3 кун давом этиши белгиланган. Россияликлар Давлат думасига 450 депутатни сайлашади.