ТОШКЕНТ, 13 сен – Sputnik. Ўзбекистон Мудофаа вазирлиги Шарқий ҳарбий округ қўшинлари ҳарбий хизматчилари Шанхай ҳамкорлик ташкилоти давлатлари ўртасида ўтказиладиган “Мирная миссия — 2021” қўшма машғулотларида иштирок этади. Бу ҳақда вазирлик матбуот хизмати хабар бермоқда.
“Мирная миссия — 2021” қўшма машғулотлари Россиянинг Оренбург вилоятидаги Донгуз полигонида бўлиб ўтади. 11 сентябрь куни бу ерга ўзбек ҳарбийлари етиб келди.
Машғулотларда ШҲТга аъзо давлатлар: Россия, Қозоғистон, Ўзбекистон, Тожикистон, Қирғизистон, Хитой, Покистон ва Ҳиндистон ҳарбийлари қатнашмоқда.
Машғулотлар 25-сентябргача Донгуз полигонида бўлиб ўтади.